بعد التقلبات الجوية الحالية.. 10 نصائح تحميك من الإصابة بالبرد والإنفلونزا

 

بما إننا في الخريف وخلاص الجو بدأ يبرد وأغلبنا نزل اللبس الشتوي وده جو جميل لناس كتير بس جو تعب على ناس أكثر.. لأن موسم البرد الموسمي بدأ وفي كل بيت دلوقتي حد عنده إنفلونزا.. فحبينا نقولك على شوية حاجات بسيطة تاخد بالك منها هتحميك من البرد الموسمي ده….

1. شرب مياه كثير ويفضل مش سقعة أو مشروبات سخنة على قد ماتقدر.. لأن ده هيساعدك ترطب جسمك ويمنع نمو الفيروسات في الحلق

2. غسل اليدين وتطهير الأسطح بشكل مستمر .. عشان تحمي نفسك من أي ميكروب.. وده درس خلاص اتعلمناه من الكورونا

3. تناول وجبات غنية بالفيتامينات والمعادن.. زي الزنك الموجود في البيض والمأكولات البحرية.. وفيتامين C الموجود في الفواكه الحمضية والخضروات زي البروكلي والفلفل والطماطم.. وفيتامين D الموجود في الأسماك الدهنية والبيض ومنتجات الألبان والمكسرات.. لأن ده هيساعدك تحافظ على نظام مناعة قوي

4. النوم والراحة بشكل كافي هيخلي الجسم أقل عرضة من الإصابة بأي عدوى

5. البعد عن أي توتر.. وده لأن وقت التوتر الجسم بيفرز هرمونات بتحاربها المناعة وبالتالي مش هتقدر تحمي الجسم من أي عدوى

6. ممارسة الرياضة يوميًا.. بالشكل اللي تحبه زي الجيم أو لعب كوره أو مشي أو حتى تمارين في البيت

7. تجنب الأطعمة السكرية والمعالجة والمقلية والوجبات السريعة.. لأن ده هيقلل نشاط الجسم ويقدر يستقبل أي عدوى

8. بسهولةالبعد أو تقليل التدخين.. لأنهم بيؤذوا جهاز المناعة ويزودوا من خطر الإصابة بالبرد

9. رعاية الأطفال والحفاظ على نظافتهم.. لأنهم مصدر قوي لالتقاط ونشر أي نوع من العدوى

10. ولو حصل واتصبت بالانفلونزا.. فأنت محتاج تروح للدكتور عشان يتم تشخصيك وتاخد العلاج المناسب لحالتك.. وتحاول تقلل الاختلاط عشان ماتنقلش العدوى

 

وفي النهاية بنتمى لكم السلامة كلكم وتستمتعوا بالأجواء الشتوية