فى ساعِةْ تَجَلِّى شعر/محمود العزب - منتديات غزل وحنين
فى سـاعِةْ تَجَلِّى لَقيتنى باصَلِّـى واسلِّـمْ عليك
ياآخـر نَبى عِـرِف مَذْهَـبى وجيـت افْتِديـك
ونِفْسى ان اصاحْبَك واحِسْ بجوارْحَك واقَرَّب إليك
واخُشْ الجوامع وادُوْر فى الشوارع وادَوَّر عليك
والاقى مبادْءَك صريحه وواضْحه قديمه وصابحه
تِزيدْنى واحِبَك والاقـى إيمانـى مِحَبِّبنـى فيـك
لأنَّـك نبينـا وأثَّـرت فينـا
ونِفْهَم عَلامَـك ونِسْمَع كلامَك
وتبقى اللِّى لينا ونبقى اللِّى ليـك
وعَطْفَك ملانـا وهَدْيَك هدانـا
وهوَّه اللِّى قالِّى ضرورى اشتريك
وتِقوَىَ شفاعْتَـك لأُمَّـه بتاعْتَـك وراجْعَهْ إليـك
ودايماً تَمَـلِّى ألاقينى اللِّـى بادوب من غَرَامَـك
واحَرَّك مشاعرى تاخُدنى وتجْرى على نور كلامَك
وإيه كُنْت تَعْـنى بِقِـوِةْ سلامـَك
ومين اللِّى أسْلَم ومين اللِّى أظْلَـم
ومين اللِّى يقدَر يعَلِّى ف مقامَـك
ياجامع جميع الجُموع دى عشانَك
دا إنتَ اللِّى أقْوىَ وإنتَ اللِّى أأمَن
وإنتَ اللِّى عارف مكانتى ومكانك
واخُش الأماكن جميعـاً بتـاعْنـا
ونلْقىَ اللِّى أقصى َبِقَوِّى ف دراعْنا
ونُسْكُن بيوتنـا ونُذْكـُر شارعنـا
بأوَل أمـاره فى آخْـرْ العِمـاره
"عِمـارةْ مُحَمَد"ْ
عِمـارةْ مُحَمد فى زمن الحَيـارَىَ
فى زمن اللِّى راحوا ولِسَّهْ ماجوش
وضاعِت حُقوقهُم وهُمَّه سَكارَىَ
وفاقوا وفُقْنـا ورائت حُروقنـا
من اللِّى لاصَلُّوا ولابيرْحَمـوش
ونِرْجَع نِصَلِّى ونُذْكُـر ونُسْجُد
ونِسْبَح فى بحر النَجاه اللِّى شالَك
ونِشْرَب ونشرب ولافيها مَهْـرَب
ونِعْرَف أُصول الإيمان من إيمانَك
ومُمْكن نِحارب كمـان اللِّى ألْحَد
وبَرْضُه نِرَبى جميع اللِّى جاحِـد
ونِقدر نِجاهد وربى اللِّى شاهِـد
وربى اللِّى شاهد علينا وعليـك
عليك أو علينا صلاتُه وسلامُـه
وأفضل كلامُه اللِّى أُنْزَل ينَجِّـى
وينفع صيامى وزَكاتى وحِجِّـى
ونرْجَع نِجاهد حـقيـقى نجاهد
وعصْر الصَحابـه يعود للأماكـن
ونلْقَىَ المساكن سلامها اللِّى ساكن
وقادر وماكِـن وتعْمَـرمساجـد
ويبقىَ اللِّى ساجد صحيح اللِّى مِنَّك
وراجـع إلينـا وهوَّه اللِّـى ليـك
وارض الكرامـه تعود بالسلامـه
بِحَبِـةْ شهامـه وبَرَكِـةْ إيديـك
ووقْتٍ مانِبْـقىَ ف مخاطـرتجينـا
فى صورةْ مُجاهد قَريب من نَبينـا
ومـال العُـروبه يعود للعُـروبه
وما للعروبـه يعـود للعـروبـه
وساعـةْ العُتوبَـه يبـان الغَـبى
ولا الأجنـبى ياأفْـضَـل نَـبى
يحِس انُّـه عــــــــادى
وهـوَّه بياكُل فى مـال النـَبـى
ويصْدَح جلال الآدان ع المَــآذن
ياأطهَر نبـى وفى قلوبنـا ساكِن
صلاتنا وسلامنا جميعــاً عليـك
وآلَك وصاحْبَك وكُل اللِّى صاحْبَك
ويقْرَب إليـــــــــــك
وحَتْمـاً ولازِم هانِرْجـع إليـك
لأنُّه سلامنا الحقيقى ف إيديـك
حقيقى سلامنا الحقيقى ف إيديك
صلاتنا وسلامنا جميعـاً عليـك
سلامنا وصلاتنا جميعًـاعليـك.
29/12/2001
فى ساعِةْ تَجَلِّى شعر/محمود العزب
فى سـاعِةْ تَجَلِّى لَقيتنى باصَلِّـى واسلِّـمْ عليك
ياآخـر نَبى عِـرِف مَذْهَـبى وجيـت افْتِديـك
ونِفْسى ان اصاحْبَك واحِسْ بجوارْحَك واقَرَّب إليك
واخُشْ الجوامع وادُوْر فى الشوارع وادَوَّر عليك
والاقى مبادْءَك صريحه وواضْحه قديمه وصابحه
تِزيدْنى واحِبَك والاقـى إيمانـى مِحَبِّبنـى فيـك
لأنَّـك نبينـا وأثَّـرت فينـا
ونِفْهَم عَلامَـك ونِسْمَع كلامَك
وتبقى اللِّى لينا ونبقى اللِّى ليـك
وعَطْفَك ملانـا وهَدْيَك هدانـا
وهوَّه اللِّى قالِّى ضرورى اشتريك
وتِقوَىَ شفاعْتَـك لأُمَّـه بتاعْتَـك وراجْعَهْ إليـك
ودايماً تَمَـلِّى ألاقينى اللِّـى بادوب من غَرَامَـك
واحَرَّك مشاعرى تاخُدنى وتجْرى على نور كلامَك
وإيه كُنْت تَعْـنى بِقِـوِةْ سلامـَك
ومين اللِّى أسْلَم ومين اللِّى أظْلَـم
ومين اللِّى يقدَر يعَلِّى ف مقامَـك
ياجامع جميع الجُموع دى عشانَك
دا إنتَ اللِّى أقْوىَ وإنتَ اللِّى أأمَن
وإنتَ اللِّى عارف مكانتى ومكانك
واخُش الأماكن جميعـاً بتـاعْنـا
ونلْقىَ اللِّى أقصى َبِقَوِّى ف دراعْنا
ونُسْكُن بيوتنـا ونُذْكـُر شارعنـا
بأوَل أمـاره فى آخْـرْ العِمـاره
"عِمـارةْ مُحَمَد"ْ
عِمـارةْ مُحَمد فى زمن الحَيـارَىَ
فى زمن اللِّى راحوا ولِسَّهْ ماجوش
وضاعِت حُقوقهُم وهُمَّه سَكارَىَ
وفاقوا وفُقْنـا ورائت حُروقنـا
من اللِّى لاصَلُّوا ولابيرْحَمـوش
ونِرْجَع نِصَلِّى ونُذْكُـر ونُسْجُد
ونِسْبَح فى بحر النَجاه اللِّى شالَك
ونِشْرَب ونشرب ولافيها مَهْـرَب
ونِعْرَف أُصول الإيمان من إيمانَك
ومُمْكن نِحارب كمـان اللِّى ألْحَد
وبَرْضُه نِرَبى جميع اللِّى جاحِـد
ونِقدر نِجاهد وربى اللِّى شاهِـد
وربى اللِّى شاهد علينا وعليـك
عليك أو علينا صلاتُه وسلامُـه
وأفضل كلامُه اللِّى أُنْزَل ينَجِّـى
وينفع صيامى وزَكاتى وحِجِّـى
ونرْجَع نِجاهد حـقيـقى نجاهد
وعصْر الصَحابـه يعود للأماكـن
ونلْقَىَ المساكن سلامها اللِّى ساكن
وقادر وماكِـن وتعْمَـرمساجـد
ويبقىَ اللِّى ساجد صحيح اللِّى مِنَّك
وراجـع إلينـا وهوَّه اللِّـى ليـك
وارض الكرامـه تعود بالسلامـه
بِحَبِـةْ شهامـه وبَرَكِـةْ إيديـك
ووقْتٍ مانِبْـقىَ ف مخاطـرتجينـا
فى صورةْ مُجاهد قَريب من نَبينـا
ومـال العُـروبه يعود للعُـروبه
وما للعروبـه يعـود للعـروبـه
وساعـةْ العُتوبَـه يبـان الغَـبى
ولا الأجنـبى ياأفْـضَـل نَـبى
يحِس انُّـه عــــــــادى
وهـوَّه بياكُل فى مـال النـَبـى
ويصْدَح جلال الآدان ع المَــآذن
ياأطهَر نبـى وفى قلوبنـا ساكِن
صلاتنا وسلامنا جميعــاً عليـك
وآلَك وصاحْبَك وكُل اللِّى صاحْبَك
ويقْرَب إليـــــــــــك
وحَتْمـاً ولازِم هانِرْجـع إليـك
لأنُّه سلامنا الحقيقى ف إيديـك
حقيقى سلامنا الحقيقى ف إيديك
صلاتنا وسلامنا جميعـاً عليـك
سلامنا وصلاتنا جميعًـاعليـك.
29/12/2001
ليست هناك تعليقات:
إرسال تعليق