عفويات .......اللي في زمنا أفلس بقلم عادل عوف
اللي في زمنا أفلس
قلبه بقى علي الحديدة
بالرُخص باع مشاعره
معرفش يجيب جديده
دكان إحساسه شطب
سرقوا كل الرفوف
و سابولوا الخوف مِرمى
والأحزان صفوف
وان شوقه كان مخازن
مافضليش غير جَروف
و الود عيدانه ناشفه
مقصوصه من الطُروف
لا ليها ايدين تسلم
ولا أحضان تِضُمك
وعيون نظرتها بارده
وعارفة إزاي تِخُمك
وفراق بقميص مجَرجْر
وحضن في ايده خنجر
وحنين م الرَكنه حجر
بالكاد ينفع سِفُوف
وعشان يجيب نتيجه
محتاج لعيون نجيبه
وناس بقلوب عجيبه
لتقدير الظروف
ليست هناك تعليقات:
إرسال تعليق