علمت عليه
وسيبت له ذكري
مش ممكن ابدا ينساها
كات فرصه وجات لي
وانا الفرصه
واقف لسنين استناها
أنا عمري ماسيب حقي لغيري
أنا بصبر قوي كتر خيري
لكن مع اول فرصه تبان
حقي و بتعامل فيه ميري
علمت عليه
أنا حقي وصلني وفوقه بوسه
واكتر من حقي و فوق منه
برقابتي أن ضاع ودي مفقوسه
ياما ضاع لي حقوق بكلام منه
علمت عليه
اياك يتعلم ويفكر مايكررهاش
مش كل الناس سهل خداعها
أنا عضمة في زوره الله يقدر و مايبلعاش
ولا يقدر حتي علي وجعها
أنا صرخه هتقلقه منامه
هيشوفني وراه أو قدامه
وان نام هيشوفني في أحلامه
ب أهدد راحته و أودعها
علمت عليه
هعمل اعلان و اجرسه فيه
و هقول للحاضر والغائب
بسهوله وزاد علمت عليه
و سايب له السايب في السايب
واهي علقه تفوت
ولا حد يموت
واهو خد شلوت ورجع تايب
علمت عليه
ليست هناك تعليقات:
إرسال تعليق