الناس مقاسات
وانت و رزقك
و نصحتى بلاش منه الضيق
فى المشي بــيخنق و يزيق
وان قولت بحبه و هستحمل
يكسر مأديفك و يتريق
وأنت و رزقك
وبلاش الواسع مش قيمة
دايما هـ يعاتبك و يضلك
وان مره احتاجت لـ تلقيمة
ممكن تتعاير و يذِلك
وتهوه في اليوم مليون مره
ويستخسر مره انه يدلك
وأنت و رزقك
وبلاش الناعم مش موضه
ومشاكله كتير حبه
و بيكش
وان حد لمحكم في الأوضه
الظن يسوء
وانت ماتنكرش
وان حكمت وجاريته في سكه
إستحمل وإجريها ماتركنش
وأنت ورزقك
الناس مقاسات
فيه ناس تفصيل
و مقاسها مناسب لمقاسك
لا قصير ليك ولا حتي طويل
ومناسب جدا احساسك
هتشوفه عليك مظبوط وجميل
وأجمل م الرسم اللي في راسك
وأنت و رزقك
#عفويات
ليست هناك تعليقات:
إرسال تعليق