لو عندك شئ هتسيبه
سيبه
و فيه لسه الخير
اللي ماينفعش جنابك
ممكن ينفع للغير
من غير تجريح و مناهده
تستهلك كامل طاقته
ويعيش في وجودك ميت
علشان اسمك في بطاقته
علشان قولت له يتصرف
و إتصرف بقي طريقته
لو مات انسان م القهره
ممكن لحصونه في سهره
تسقط من ود بكلمه
تنجح عملية شقطه
كسرك للروح ده مصيبه
مين يقدر يوم يغفرها
محتاج العضم صليبه
و جبيره ترمه أخيرها
لكن ابو روح مكسوره
منظر و مجرد صورة
مش ممكن حسب الشوره
تتبدل روحه بغيرها
لو زاهد شئ اكرملك
تتركه و العين مليانه
علشان يفضل يفتكرك
بالخير ويقول بأمانه
أكرمني و ده من طبعه
و يتابعك وانت تتابعه
ويرد بدالك غيبتك
ويرفض ذكرك بإهانه
لو عايز شئ يفضلك
عامله علي إنه أمانه
ليست هناك تعليقات:
إرسال تعليق