مليون حاجه تشبهني ماهيش ليا
وليا حاجات متشبهنيش ملازمانى
بينك ايه وبين قلبي وايه فيا
يخلي الدنيا معانده معايا مخصماني
كتير حسيتنى مش فارق ولا في بالها
أخيرها معايا زيه زي أولها
لا حنت يوم عليا و طبطبت مره
ولا في مره تلون روحي بألوانها
سكت وقولت مش هشكي و اشكي لمين
وعزة نفسي حايشاني و منعاني
لقيت الصبر من صبري مابين نارين
و بيشكي المر من صبره و بيعاني
أنا مش زي ما في بالكم أنا بالعكس
محتاج حد يفهمني بنظرة عين
مكان الضحكه اللي حسدنها دموع
بالعكس
مخبيها عن الدنيا بقالي سنين
لا عايز حد يتشفي في جرحي يوم
ولا ينصفني حد في يوم و قول مسكين
أنا زهقت مني سريري
و زهق النوم
…….. من زهقي و بـ بكيني
لا أنا عارف افك سلاسل وحدتي و اقوم
ولا عارف جمال الدنيا يغريني
ليست هناك تعليقات:
إرسال تعليق