هتحس بإنك فجأة تعبت
مش قادر تعمل ولا حاجه
مستسلم جدا لـبرودك
وگأنك داخل تلاجه
فتعدى حاجات منك و تفوت
من غير إحساس لك و إشارة
و بتضحك ع الفرح و ع الموت
مسطول بيصلى في خماره
أحلام تتسرسب من إيدك
وتزيد أوهامك فـ تزيدك
تتحول فجأة فى عين الخلق
لحكم ممنوع م الصفارة
أهداف بتخش قصاد عينك
لأصاحب ملاعين واقفه تسلل
والرايا تطاطى كاسر عينها
ومكفي جبينها ومتذلل
الدنيا بتفرض سطوتها
علشان تلقاق دغرى في طوعها
تتمرد
………تفرذ غباوتها
وتلاقي عينيك لابسه في كوعها
فتحس بإنك ولا حاجه
أو ناقصك ميت مليون حاجه
كانت كلها شابكة في حاجه
بتحاول تمنع تركيعها
ليست هناك تعليقات:
إرسال تعليق