تخاريف بقلم اجمل قلب نور الهدايه
لما تفوت ع القلب
نسمه رقيقه
في عز الصيف
لما تعدي
تدوب تلج الشتا
بلمسه حانيه زي الضيف
لما ياخدنا البحرف رحله جميله
علي موج يتهادي
بدون مجاديف
لما تاخدنا سحابة شوق
وتطير علي فوق
زي الطيف
لما نلاقي الورد يفتح
يملا الدنيا جمال وعبير
من غير ما يهمه شتا او صيف
لما الكلمه تجرح قلب
تكسر فرح
توجع نبض كحد السيف
لما تلاقي كل الكون حواليك اتغير
و صبح طعمه
ملوش تصنيف
لما تلاقي شعاع جواك بينور
كل الحزن ف عمرك يصغر
يبقي ضعيف
لما اللقا يبقى بيحييك
يزرع فيك
روح حستها بعث رفيف
لما تلاقي حمول الدنيا
ويا همومها
بقي لوجودها هم خفيف
لما يبقى البعد دمار
نار تتأجج تحرق قلبك
تخلي ربيعه موت في خريف
لما تلاقي نفسك انت مش انت
وساكن فيك روح مش روحك
كأنك ضيف
لما تقابل اللي معاه تحس الدنيا
زي اللي انا قلت عليه
اوعي تسيبه
ليضيع منك زي الطيف
حد يقولي اللي كتبته
يمكن يوم نحسه بجد…
نبض لقلب…
ولا دي تخاريف
؟؟؟
ليست هناك تعليقات:
إرسال تعليق