جريدة غزل قلوب مصرية رئيس التحرير: نشوى القاضى
احترت والله فيه
اتفقوا عليا وقالوا …
يانوور الحب اوصفيه؟؟؟
سكت ما قلت كلمه
مش عارفه اوصف بايه
قلتلهم ازاي اقدر اوصف واحكيلكوا عليه
انا عمري ماشفته يوم وفهمته يعني ايه
شويه وجبت سيرته… قالوا لي احكي عليه
قلتلهم لما شفته لقيت صورتي في عينيه
ولما اسمع اسمه قلبي بينده عليه
واني اما قابلته حسيت كأن روحي
اتولدت بين ايديه
لوفاتني وراح بعيد
اتمني اني التقيه
سكتوا البنات وعادوا نفس سؤالهم عليه
قالولي يا نوور بسرعه
الحب اوصفيه
قلتلهم ما اعرفوش
ولا عمري هاجربه
الحب عذاب وحيره
كاس مر هنشربه
خلينا بعيدكفايا
مش عايزين نعرفه
ده البعد عنه اسلم
يلا عنه ابعدوا
فجأه حسيت بقلبي بيطير من مطرحه
لقيته جي من بعيد وعنيا بيفرحوا
ايدي شاورت وقالت
ده هو اللي اقصده
قالولي والله عقلك يا نوور الحب طيره
ماهو كل اللي بتوصفيه الحب مصدره
قلتلهم لا…لا..لأ ماتقولوش
الحب ما اعرفوش
ولا عمري هجربه
ليست هناك تعليقات:
إرسال تعليق