قولي بحبك بقلم اجمل قلب نور الهدايه
وقول وعيد
حاسه كلامك في كل مره
احساس جديد
***
لما عينيك بتقول باحبك
بتاخدني منك واروح بعيد
باروح لعالم مخلوق عشان يجمعني بيك
وابقي سعيده وتبقي سعيد
بلاقي نفسي جوه عيونك.. بنتك.. وامك
وحب عمرك.. ياحبي الوحيد
يا رمش خادني من بين صحابي
وقفل عليا جوه قلبه وقلبي سعيد
***
ولما ايدك تقول باحبك
بتخلق فيا روح مش ليا
لكن ليك
باحس انك ابويا.. واخويا ..وابني وليدي
وباعيش بيك
باحسك انك سندي وعزي ..املي وحلمي
وكل منايا اني ارضيك
انا روح اتخلقت بس عشان تشاركك همك
وتعيش حلمك
وهي ايديا ف حضن ايديك
حتي البسمه افرحها معاك
تسعد بيها واسعد بيك
***
ولما بصوتك قلت باحبك
غنت كل الدنيا لنغمه لحنك
وانا غنيت يا حبيبي معاهم قلت
ب ح ب ك
فجأه اتلون كل الكون بقي لون عشقك
وحروف اسمي بقت بحنان
تلمس رسمك
رسمت صوره بحروف من نووور
تشبه شكلك
صبحت صورتك و حروف اسمي
نبض لقلبك
قولي باحبك تاني وقول
قولها بنبضي جوه في قلبك
قولها وسمع كل الكون
انك عشقي واني
ب ح ب ك
ليست هناك تعليقات:
إرسال تعليق