الفقير فرفر بيموت
والجشع بقى عالي الصوت
والحال أصبح مقلوب
والنظام شايف الجو زهور
وورود
الفقير ميت من الجوع
والجاهل صوته مسموع
والحكاية والموضوع
إن العدل أصبح مرفوع
إمتا تاني يكون موجود
الفقير مين حاسس بيه
كله رامي الحمل عليه
والجاهل متحكم فيه
فى أول صف وأصبح بيسود
الشبعان بينام مرتاح
والفقير حارس بسلاح
وينطق يتكلم مرفوض
أصحاب السلطة أصحاب
الثروة اصحاب الجاه
مثلث جواه الفقير محطوط
وعليه القانون قفص مسدود
ليست هناك تعليقات:
إرسال تعليق