آآآه يا قولة آآآه بقلم اجمل قلب نور الهدايه
آآآه يا قولة آآآه
آآه ياقولة آآه ياواجعه معاكي قلوب
قلوب تقول تنهيده الفرحه بيها تدوب
تدوب ضحكه مرسومه.. خايفه من المكتوب
مغلوب ضناه الالم ونوور الطريق مسلوب
طعمك في الحلق علقم مالوش م المرار مهروب
آآآه ياقولة آآآه
خليكي جوة القلوب محبوسه مخفيه
اتداري خلف ابتسامه مرسومه سحريه
تصرخ تقول للكون انا جامده وقويه
تسعد بزهرة فرح من لمسه مهديه
تهنا بصوت الطيور بتغني اغنيه
تسبح في همس الموج بحلم امسيه
راح معاك الفرح ريشه في مهب الريح
فرح ضاع م الوجع وهو في صدره طريح
فارقي يا آه واهربي القلب بيكي جريح
ليست هناك تعليقات:
إرسال تعليق