يا المذهلة همس قلب الشريف الهمامي
يا المذهلة
يا دهشة الحرف العجب *
معمول بأيدك
وبعنيكي تبعتيه...
للعاشقين والحياري المجروحين
كل الحبايب يتعلموه
ويذاكروا فيه
حكمة وخطب *
ازاي وليه
وايه السبب ؟؟؟
بسمة شفايفك
بسمة الطفل الرضيع
لما رموه
علي صدر امه
قام صدرها
حن وحلب *
ونسمة الصيف الجميلة
كانت تعدي
تبعتي معاها السلام
في جواب غرام
يا همسة
في ودان الحبايب
كانت تطبطب ع القلوب
والشوق لهيب
لما الزمان
جار واتقلب *
مش يبقي دا هو العجب
وكلام كتير
يملا العلب *
يا نخلة عالية
دلدل جريدك بالمحبة
والامان
والسباط شايل رُطب *
كانت بتمشي فوق سماكي
كتير سحب *
تتحك فوق روس الجبال
ينزل مطر
يروي غيطان
منجة وعنب *
والحرف من قلم
الجميلة المذهلة
يملا الكتب *
محدش يا ناس
عرف السبب ؟؟؟
راح اقولكم ايه السبب...
اصل الكلام
كان من دهب *
يبقي السكوت
فرض ووجب *
يا لحظة حلوة وعشتها
بالهمس كانت
بتناديني في
الليالي أشتقتلك
كانت ساعتها زي شهد
ع الصدور سال وانسكب *
يا شوق مشعلل في القلوب
ولا يعلمه
غيرك يا علام الغيوب
انت الملك
والحب نعمة تتوهب *
ولا نسألك ايه السبب *
همامي *
ليست هناك تعليقات:
إرسال تعليق