معلم فحمه يكتب كان قلب وراح
معلم فحمه يكتب كان قلب وراح
كان قلب وراح
أكتبينى جوه قلبك نبض
وأرسمينى فوق شفايفك همس
وخلى صورتك جوه عينك رمش
وأستخبى وسط أحواض الزهور
حا تفضلى جوه قلبى ورد
حتى لما أدوق فنجالى تبقى سكر دايب
فيه بجد
كنتى نبض قلبى وأنتى لابسه المريله البنى
والعيون تنظر والخطاوى ماشية بيكى تمد
كنت بحس ساعتها إن أنا وأنتى بس حد
وأناواقف منتظر تحت شجرة الجميز
لما طيفك يعدى لحد عندى يفضل يهدى
ولما يشوفنى
الخطاوى بيه تمد
ولا لما تضمى كتبك جوه صدرك
كأنك حضنه حد
وفضلنا نحلم والزمن بالخطاوى يمد
ولما كبرنا بصيت لقيت كل
اللى بينى وبينك سد
والزمن موجو عالى مره جذر ومره مد
بصيت لصورتى لئيت
أنا ولا أنتى حد
كلنا بنعيش بنحلم بالسراب
وسنين الزمن بتعد
ولما نصحى م المنام
نشوف الحقيقة كان حلم وراح
واللى سابه لنا م الذكريات جراح
كل ما نداوى جرح تتفتح من تانى جراح
هو جرح الزمن ليه دوا
ما طول عمرالزمن جرحه يفضل
ندوب و جراح
وتضيع الخطاوى وسط الدروب
ونمشى ف الطريق
غريبين
واحد فينا هنا وواحد فينا راح
وأرجع أأولك
أكتبينى جوه قلبك ألم
وأرسمينى فوق شفايفك آه
وخلى صورتى جوه عينك دموع
ولما يسألك صحابى قولى
كان قلب وراح
———-
معلم فحمه
ليست هناك تعليقات:
إرسال تعليق