حانوتية الكلام همس قلب الشاعر/فتحى عيسى
حانوتية الكلام همس قلب الشاعر/فتحى عيسى
قالى كلامك جامد قولتله نطريه
قالى مايع وماسخ قولتله نقرص عليه
قالى عنده جفاف قولتله نبل معانيه
قالى بارد الاحساس قولتله نولع فيه
قالى ميمشيش معنا قولتله مشيييه
قالى بس على هوانا قولتله يعنى ايه
قالى نغير كلمه هدمه نهشكه ونغذيه
بالهبر اللى تعلم واكتب اسمى تحتيه
قولتله وانا قالى ميايا عليك كفايه
ولو ضرب هحلى بقك بعديه
قلتله شكرا قالى على ايه
لو لفيت العالم هتلاقينا كلنا نسخه
واحده ديه حتتنا ملعبنا بيتنا اللى
اتربينا فيه صعب ندلك على حوارييه
وديه دمغتنا ولو مش عجبك
روح غنييه
قلتله شكرا قالى ولا اقولك
تعالى نفتحلك مكتب انتاج
ونعملك كام سى دى
وحبة كلام من عندك
والباقى ترباتاتيه
واسمك من تحت عليه
بالصوت والصوره ولو
حبيت وانت معبط فيه
قلتله شكرا
قالى طب اسمع
متيجى نتبنى مطربه واقعه
او مطرب واخر اليل
نلم عليه
قلتله شكرا
قالى انت معاك قد ايه
قولتله خمسينايا كفايه
قالى رضا اهوا احنا يعنى
كنا عملنا ايه
فتحى عيسى
ليست هناك تعليقات:
إرسال تعليق