رباعيات الأحزان (( أيوة بحبك ))
الأيام مش عوزة تعدي
وأنت بعيد
في كل لحظة وثانية تفوت
حبي يزيد
تسكن صورتك جوه عينية
وأشتاق ليك
وأسمع نبضي جوه في قلبي
ينادي عليك
أيوة بحبك مغرم عاشق
ليك مشتاق
مهما بقولك ووصف حبي
والأشواق
بصي في عيني تلقي حنيني
مرسوم ليك
لمسة إيدك رعشة إيدي
وخوفي عليك
حاسس بيك وتملي معايا
وأنت بعيد
صوتك همسك نظرة عينك
نار بتقيد
كل كلام العشق في حبك
ميكفيش
لحظة قربك معني حياتي
بيها بأعيش
كل دقه في قلبي بترسم
حلم عنيك
شوق تنهيدة وأسرح دايب
هايم فيك
بتجري في دمي وفي تكويني
ياروح الروح
رسمة ملامحك نفس ملامحي
فين متروح
هو الحب اللي بيجمعنا
غرام وحنين
أجمل قصة عشق هوانا
للعاشقين
وهفضل أحبك طول ما أنا جمبك
حبي يزيد
أنت الروح اللي بعيش بيها
والتنهيد
كلمات الصدق
فارس الليل الحزين
محمد عطية محمد
22/5/2023
ليست هناك تعليقات:
إرسال تعليق