متزعلش ياصاحبى همس قلب الشاعر/فتحى عيسى
متزعلش ياصاحبى همس قلب الشاعر/فتحى عيسى
متزعلش ياصاحبى وتاخد
على خاطرك على طول
أنا مخرجتش عن خطك
ولا فكرت ولا معقول
أرمى فى طريقك شوكى
وانت راعى الزهور
انا قلبى عليك واكلنى
وشايف حالك ف نزول
مبقتش عارف اسكت
ولا اخبى ولا اطاوعك
مجبور
بس الظاهر ياصاحبى
ان الخوف وقع كل
الجسور
وبناله عش ف قلبك
وقطع عنه النور
خلقك من تانى جرحك
ضعيف مهزوم مكسور
بتشك ف ملامحك
وف دموع الطيور
ارجع ياصاحبى لعقلك
افتح عينيك للنور
اكسر اليأس بعزمك
ليه تعيش مهجور
انفض غبار ألمك
دوس عالماضى
المغدور
اسكن تانى قلبك
واصفح عن البدور
مش ذنبها ان حبك
ابيض زى النور
فتحى عيسى
ليست هناك تعليقات:
إرسال تعليق