ناس وناس ... شعبيات الهمامي المتجددة - منتديات غزل القلوب

ناس وناس ... شعبيات الهمامي المتجددة - منتديات غزل القلوب

ناس وناس ... شعبيات الهمامي المتجددة

---

bit_stamps

ناس وناس
****
في ناس ع الجرح تتكا
وناس بوجعها تتشكا
وناس مرهونة علي حكا
وناس حلوه وبنت أصول
متترشحش ...! تتزكا*
وناس من كلمة تتألم
وناس بحروفها تتعلم
وناس ف كرمها تتعشم
وناس ملعونة بقلوبها
ومبتعرفش غير تشتم*
وناس بالنبض تتصدق
وناس بالوحشة تتشدق
وناس حلوة ومحترمة
تميمة عشق تتعلق*
وناس حلوة وتتصاحب
تقابلك روحها بمراحب
قلوب متوالفة تتجاذب
لا بتخونك ولا بتخدع
وف معاملتها بتحاسب*
وناس واطية ولاد ستين
ولا بتحفظ ولا بتصون
ولابسة قناع بتتداري
ورا التقوي وورع الدين *
في ناس زيك كدا روعة
ولا بتكدب ولا ملاوعة
وناس خاينة وغدراة
فوقت الجد بتسيبك
و بتقولك مليش دعوة
همامي
لما اللي منك يجرحك ... طب قولي مين هيفرحك !