ما تيجى نجيب من الآخر
ونلخص فى الموضوع
لو فاكر نفسك شاطر
تبقى فى نفسك مخدوع
فيه اشطر منك كان
وفعله بيعمل قلبان
ولما احتك وقرب
ولما حب يجرب سالت
من عينه دموع
فيه اشطر منك كان
وفعله زى البركان
ولما حب يجرب بقى صوته
مش مسموع
بلاش تتغر فى نفسك
وتكون متكول على إسمك
وقت الجد هتنساه
وتقوله هيكون ممنوع
ما تيجى نجيب من الآخر
ونلخص فى الموضوع
ماتيجى نتكلم بصراحة
والكدب يكون منزوع
خليك دغرى وسهل وسالك
علشان متشفش مهالك
والعضم يكون مجزوع
خليك فى الصدق تملى
متخفشى فى يوم من الجوع
معاك أنا سهل مسالم
ونفسى كمان ليك ظالم
عشان من حالى قانوع
وكمان واثق من نفسى
وعندى نهاية الموضوع
ما تيجى نجيب من الآخر
ونلخص فى الموضوع
من إبداعات
الشاعر
طه الروبى
ليست هناك تعليقات:
إرسال تعليق