إنت عامل إيه
شعر/محمود العزب
إنت عامل إيه ياروحى
قول لى ماتخبيش عليا
وإنت يابلسم جروحى
الملايكه هاتحكى ليا
وهايقول لى انك صاحبهم
والمسائل ميه ميه
وان عملك بان عاجبهم
وكله صدق ومسئوليه
ولاانت خايف من لقاهم
وبصراحتك العاديه
وانت ماشى على هواهم
والحساب مافيهوش أذيه
والإجابه صح جدا
ومستجابه ومش عاديه
وفيها كل الآشيا معدن
ولك حمايه ربانيه
وانت مش محتاج لواسطه
أو ياروحى محسوبيه
وانت لسه لك محطه
للعنايه الإلهيه
والوصول ياحبيبى حظك
بالآيات القرآنيه
والشفاعه لحسن عملك
وانت ماكنتش شويه
وان ربك إللى حبك
خلا إجاباتك قويه
وانت بتجاوب بقلبك
وجنته الواسعه بهيه
وانت داخلها داخلها
ونلتها يانور عنيه .
ليست هناك تعليقات:
إرسال تعليق