عايشين على الخبر الكداب همس قلب الشاعر/فتحى عيسى
عايشين على الخبر الكداب همس قلب الشاعر/فتحى عيسى
عايشين على الخبر الكداب ده بيسفر مالطا
وده بيجيبها لحد الباب وده بيهرب طنطا
من المطار فى كتاب وده يجيبلك حقك
وياكله بالحساب وده له فى المرور بركه
وفى المصالح اسراب وفى الجمارك له حركه
وفى المصانع اصحاب وده له فى كل جراج تركه
وفى كل شارع دولاب وده يعممك اوى
ويدخل قلبك مالباب وده يبيعلك الهوا
وتدفع عنه الحساب وده شايلك شنطه
فيها الف خطاب وخطاب يفتحوا الف سكه وسكه
وهو بواب
وده يزورلك ماركه وده يفتحلك شركه
وده يجيبلك الئبئاب
وده يعلمك النطه وده يرئصلك قطه
وده يسجنك فى شراب
وده مستنى غلطه وده واقف على شرطه
وده مكشوف عنه الحجاب
وكله مدارى ورا كله وورا كل خميره ناب
وورا كل ناب وناب ناب
وبينهم غلابه ميتين بس مش تحت التراب
ولا فوقه عايشين عيشة الكلاب
فتحى عيسى
ليست هناك تعليقات:
إرسال تعليق