معلم فحمه يكتب لما كنا صغيرين .. رمضان كريم
معلم فحمه يكتب لما كنا صغيرين .. رمضان كريم
لما كنا صغيرين .. رمضان كريم
*تذكرتك ....
*يا ه...... مش أنتى
$ أيوه .... مش أنت
*لسه فاكر
أول مره أتقابلنا
كل المشاعر
ساكنه ف خيالى
زى ما تكون النهارده
كل نظره من عنيكى
لما تنظر ألي
كل همسه من شفايفك
لما بتهمس علي
كل لمسه من أيديكى
لما بتلمس أيديا
كل حاجه فيكى كانت بتعدى عليا
نسمه حلوه
زى الفراشه لما تحضن كل حاجه
$ فاكره
أول مره أتقابلنا
دفء المشاعر لما كنت بعنيا أضمك
جوه رمشى
ولما أنظر جوه عينك
كنت ألمح فيها صورتى
*فاكره
$ لسه فاكره
كنت أطير من فرحتى
لما يقرب موعدك
كنت أغير من أى حد
ينظر اليك ويبتسم
كنت أحضن كل الزهور
جوه الجنينه ف سكتى
كنت أسبق كل خطوة
من خطوتى
نفس الشعور
كل شىء قسمه ونصيب
*طب لو سمحتى أسألك
فين الرشاقه آييه غيرك
$ انت لاحظت
وزنى زاد حبتين
خلاص بقيت ملو الهدوم
الجواز والعيال والهموم
كل الحياه أتغيرت
حتى النفوس
كل شىء بقى بالفلوس
حتى المشاعر ليها تمن
*من غير كلام نظرت بعينها
نظرة وداع
عايزه تقول يا ريت ما كان
من غير كلام من غير سلام
بصيت عليها
تاهت بسرعه ف الزحام
ووقفت أنا ويا نفسى
شارد وحيد
أنظر عليها من بعيد
أفتكر نفس المكان
قلبى خلاص من فرحته
قرب يطير
يروح وراها يقولها
مليون سلام
بس سلام
.....................
معلم فحمه ,,؟؟!
ليست هناك تعليقات:
إرسال تعليق