معلم فحمه يكتب احبك يامصر
معلم فحمه يكتب احبك يامصر
وانا كنت عيل صغير
واول مرة ازور المطار
عمى اللى من بدرى سافر
وجى وسط النهار
لقيته جريت عليه
سابنى واهلى ولف ودار
يركع ويسجد
ويبوس ف الجدار
من كتر عبطى
وأنا عيل صغير
ظنيت إن المطار جامع كبير
وقفت ولا فاهم حاجه
ايه جرا
قولت يمكن فاته الصلا
لقيت فى عنيه دموع
بصيت قوى ف ملامحه
قريت اول حروفك
مكتوب فوق جبينه
من يومها حفظت اسمك
وعرفت انك مصر
قررت يومها احبك
وابوح زى عمى
لما أسافر و أرجع
وأشوف المطار
أدعى وأسجد وأقرب
وأبوس ف الجدار..
-----------
معلم فحمه ,,؟؟!!
ليست هناك تعليقات:
إرسال تعليق