عفويات بقلم الاستاذ/ عادل عوف
جربت
تشوفك
من برا
من غير مايكون عندك فكره
عن ليه و إزاي هى مشاكلك
و إزاي بتأثر على شكلك
فبتخرج من جوه حدودك
لحاجات م الواضح تستاهلك
فـ تفُك حزام التكشيره
وزراير حزنك وترحرح
تسكر من ضحكة بتضحكها
علي صدر شفايفك تتطوح
تتنهد زي اللي في غربه
و إتفاجئ زينا برجوعه
وبيحضن ضحكته ويتشفي
فـ الحزن إتفاجئ بدموعه
أو عيل تاه جوه المولـد
مرعوب م الناس عايز أمه
من إيد اليأس بيتفلت
فـتشده لحضنها وتضمه
لو تعرف تضحك علي الدنيا
إضحك من قلبك وإخدعها
الدنيا تخاف م اللي بيقدر
يجبرها
ويلويلها
دراعها
عفويات
ليست هناك تعليقات:
إرسال تعليق