الاهتمام والحب

 

هل الإهتمام يعني حب؟

مفيش اتنين هيختلفوا في حتة أنّ الإهتمام بيعبرعن الحب ويعتبر ترجمة فعليّة وحقيقة لوجود مشاعر حبّ قويّة بين الطرفين، الإهتمام من أهمّ العلامات لوجود مشاعر الحبّ بين الناس، والعلاقة طرديّة قويّة بين الحبّ والإهتمام؛ كل ما زاد الحب زاد معدّل الإهتمام بين المحبّين، وأشكال الإهتمام كتير منقدرش نحصرها في صورة واحدة، فالغيرة على حبيبك إهتمام، والمساندة في أوقات الشدّة، والمشاركة في أوقات الفرح، والتقرّب قدر الإمكان، والسعي وبذل الجهود لتحقيق سعادته.

الإهتمام عنصرٌ مهمّ جداً لاستمرار العلاقات، بيحافظ على قوتها، ويزود من مستوى التواصل، ولأن الحب مشاعر زي كل المشاعر الإنسانيّة فبتحتاجُ لتغذية مستمرّة أسمها (الاهتمام).

تعريف الحب:

الحب شعورعميق لا يمكن نسيانه تجاه شخص ما، بيرغب فيه الشخص أنه يكون جزء مهم في حياة الإنسان اللي بيحبه، لإنه بيشعر بمشاعر مختلفة وقوية تجاه الشخص دا.

تعريف الاهتمام:

هوسلوك وِدي تجاه شخص ما، يستمر لفترة قصيرة من الزمن.

علامات الإهتمام:

١. قدرتك علي سماع الطرف الآخر للنهاية من غير ما تحس بالملل والزهق، وبتقدر رأيه وبتسعى لخلق الحلول للمشاكل.

٢. بتخلق الفرص اللي تخليك قريب من الطرف الآخر، و بيكون من أهم أولوياتك التواجد معاه بشكل مستمر وبتتكلم معاه دايما.

٣. بتحب تقدمله هدايا وتعمله مفاجآت عشان تشوفه مبسوط.

٤. بتقدر تسامحه وتغفرله أخطائه، وبتبعد عن الجدال في المناقشات، وبتعتمد علي أسلوب الحوار والتفاهم.

٥. بتتحمل مسؤولية الطرف الآخر، وتعمل الواجبات اللي عليك تجاهه وتديله حقوقه.

٦. بتعرف تقدمله الدعم النفسيّ والمعنويّ في فترات الأزمات والمشاكل، وبتشجعه علي تحقيق أحلامه وتفتخر بيه لما يحققها.

٧. بتشارك الطرف الآخرالإهتمامات وبتسمحله يدخل عالمك الخاص وتستمتعوا بوقتكم سوا.

علامات الحب:

١.مبتعرفش تسيطر علي مشاعرك، و دا بيفسر التصرفات غير المتوقعة اللي بيعملها بعض  الناس لما بتقع في الحب.

٢.بتفكر فيه طول الوقت، وفاكر كل التفاصيل الصغيرة اللي تخصه زي مشروبه و أكلته المفضلة، لونه المفضل وحاجات تانية كتير.

٣.بتتكلم معاه عن المستقبل، وبتتكلم دايما بصيغة الجمع تقول أحنا بدل ما تقول أنا، النقطة دي دليل قوي علي حبك للطرف الآخر.

٤.بتحب تجرب معاه حاجات جديدة، وبتلاقي نفسك مستمتع وأنت بتعمل دا معاه، وبتظهر عندك إهتمامات جديدة في فترة وجوده في حياتك.

٥.لغة العيون مهمة جداً في العلاقات، لما بتحب حد بتحب يكون بينكم تواصل بالعين طول الوقت.

٦.بتتعاطف معاه حسب الموقف، يعني بتزعل لزعله وتفرح لفرحه.

٧.بتحب تعرفه بعيلتك وصحابك والمقربين ليك.

لو انعدم وجود الإهتمام من المستحيل يتواجد الحب لإن الإهتمام جزء من الحب وشرط لوجوده، فالحب يعني الاهتمام ولكن الاهتمام لا يعني الحب.

زي ما مهم تعبرعن مشاعرك مهم كمان تعبر عن أهم احتياجاتك في العلاقة العاطفية احتياجك (للحب والإهتمام)