أمنيتى: أشوف ألأزهر يبقى أزهر وينتخبوله شيخ مش منظر يخاف الله فى دينه
لا يتبع ريس ولا حكومة ,,
أمنيتى: أشوف عندنا تعليم سليم مش مكسور ولا مجرور بالدروس الخصوصية ومدرس
أرزوقى مرفوع من الخدمه ,,
أمنيتى: زجاجة دوا لكل مواطن وأسعاف عندها أنسانية فيها غرفة عمليات وغرفة أنعاش
أمنيتى:رغيف عيش يملا أفواه ناس جعانه عايزه أى لقمه تسد بيها ظلام معدته
أمنيتى: يكون لك وظيفه فى بلادك يا مصرى ولا تتغربش
أمنيتى: يروح منى كليب الصداع النصفى والقلع والغلع و دعارة اسمها فن
أمنيتى: ما يكونش فى قاموسنا حاجه أسمها عرفى والستر العلنى هو اللى يميزنا
أمنيتى: فستان أبيض يرفع راسى فى فرح بنتى وهى قاعدة ف الكوشة
أمنيتى: تموت فى بلادنا كلمة بلطجى ومتعدد السوابق
أمنيتى: نربى جيل مختلف ونعد أمهات محصنه ضد العفن
أمنيتى: أشوف شبابنا بيبنى بلادنا مش مدمن بيهدم نفسه
أمنيتى ليكى يا مصر أنك تعودى أمه تتباهى بين ألأمم
"""""""""""""""""""""""""""""
عارفه أزاى يا مصر بحبك
زى كل أب بيحاجى على أبنه
زى كل أم بتخاف على وليدها
زى كل أخ بيدافع عن أخته
زى كل راجل بيحمى زوجته
زى كل جندى بيدافع عن حدوده
زى كل حارس على الامانه سهران
عارفه لما بعود وأشوفك بجرى أجرى عليكى أرتمى فى أحضانك
وأنده أنده بأعلى صوتى يا حبيبتى يا مصر
""""""""""""""""
معلم فحمه
ليست هناك تعليقات:
إرسال تعليق