أمى بقلم اجمل قلب نور الهدايه
أمي
زي نهر النيل ما بيجري
في قلب الصحرا يحييها
زي سيل الميه ما بينزل علي الصخره
..يفتتها ..
يجريها
زي عطر الزهرة
ما بينثر عبيره علي نفوسنا
يرقيها
زي نور الشمس
ما بيطلع علي الدنيا
ينورها
يدفيها
زي القمرايا
ما تنور ظلام الليل
في السهرايا تجملها..
تحليها
حبك في قلبي يا امي
احياني....
دفاني....
علمني اعيش الدنيا ومعانيها
علمني اتقي ربي
في نفسي وارضيه
قبل ما ارضيها
علمني احب الدنيا
ولا اظلم
ولا اتفتن بيها
حبك يا امي وطن قلبي
يداويه من الغربه ومآسيها
يمسح دمعتي بحبه
يضم فرحتي في قلبه
ويدعي ربنا بكرمه
يحميني في الدنيا
والاخره انسعد بيها
قلبي داعيلك
يا رمز الحب والتقوي
اكون في الدنيا خدامك
وفي الاخره
انول الجنه تحت اقدامك
ليست هناك تعليقات:
إرسال تعليق