ياضاربين الودع
اتجمعوا فى كنفى
قلبى داب م الوجع
وكفايا بيكفى
قالوا النصيب مرسوم
هنا
على كفى
اقروا وقولوا ليه
الفرح ما يوفى
انين القلب
لف الكون
وبرضه مايكفى
رحت اشكى لنجم الليل
سار فى الغيم
متخفى
وشوشت موج البحر
رمانى ع الشط
متكفى
غنيت ع الناى
سمعنى العزول
بات متشفى
دورت بين القلوب
مالقيت خل
بيوفى
لفيت بين الدروب
انادى على حلم
متخفى
حتى الحلم توهنى
ورجعنى حيران
ولا بيدى
وطال عليا الليل
عقلى بيجيب
وبيودى
جيتلك يارب الكون
رافع بالدعاء
يدى
إصرف عنى الهموم
وطبب برحمتك
جرحى
ماليش غيرك حنون
عالم
بالى فى قلبي
ياضاربين الودع
مالكو
مكان عندى
يكفينى رضى ربي
انوله
هو حسبي
ليست هناك تعليقات:
إرسال تعليق