غلبت ياناس من ساعتي البايظه
عقاربها مش راضيه تدور
لما باكون فرحان مبسوط تطلع تجري
اقول ده وابور
ولما اكون زعلان متضايق تعاند فيا
زي ما اكون راكب حنطور
رحت السوق لجل اشتري ساعه
تدق وتمشي حسب الدور
ساعه تبطل تمشي بسرعه
لما اكون فرحان مسرور
ساعه ولا تبقي تقيله و تركن
وانا زعلان وصايبني الدور
ساعتي ياناس خلاص مش نافعه
حد يقولي حل جسور
عمال م الصبح رايح جاي
تعبت خلاص والله انا معزور
عايز ساعه تمشي علي هوايا
وعلي كيف كيفي الوقت يدور
ليست هناك تعليقات:
إرسال تعليق