كان يوم لقانا ذكري
جمعنا من غير ما ندري
بالحب أحلي قدر...
يوم م اتقابلت بيك
وشفت حنان عينيك
وقلب غير البشر....
عينيك قالولي كلام
يحيي قلب نام
كلام بريحه المطر...
علي دقه قلوبنا
ونغمه فيها دوبنا
غني الطيرع الشجر...
لما اتلامست ايدينا
اتفقوا علينا
واتعاهدوا ع السفر...
غمضنا احنا عينينا
سلمنا امرنا
وسافرنا للقمر...
قمر سمانا احنا
سافرناله بروحنا
مش قمرالسهر....
وف حلم كان ثواني
عشنا احلي معاني
عرفها يوم بشر...
حكينا احلي حكايات
.قولنا الذكريات
واللي راح و اندثر...
بقيت انت اللي فات
الحاضر واللي آت
زي عبير الزهور
حبك فيا اتنثر...
عشنا العمر كله.
حُلوهُ ويا مُرهُ
في لحظة يا حبيبي
م اتلامست ايدينا
واتلاقت عنينا
واتعاهدوا ع السفر...
ليست هناك تعليقات:
إرسال تعليق