نبض قلب ام مصريه من الصعيد الجوانى بقلم اجمل قلب نور الهدايه
جلبى يا ولدى داعيلك منين ما تروح
جلبى حاسس بيك , وبجلبك المجروح
داعيالك يا ولدى تلاجى بعيد عنى انيس للروح
ترمى همومك عليه , يداويلك جروح الروح
وانا برضه بعيد, داعيالك يا وليدى منين ما تروح
جلبى عليك يا ولدى يا مجروح
جافل على جلبك وحابس فيه طير النوح
افتحله يا ولدى وسيبه يروح
يطلع يحلق فى السما بجناحه كيف ما يروح
يمكن يلاجى وليف يغسل معاه الروح
وليف يغرد ويسبح بجناح كبير مفتوح
ياخدك ..يضمك فى جلبه ويضيع فى جلبه النوح
اسبح معاه يا وليدى هيشفى كل جروح
جلبى داعيلك يا ولدى تلقى وليف ما يروح
تسبح معاه يا ولدى بجلبك المفتوح
يبجى ونيسك وخلك وجلب ام داعيلك منين ما تروح
ليست هناك تعليقات:
إرسال تعليق