جريدة غزل قلوب مصرية رئيس التحرير: نشوى القاضى
معلم فحمه يكتب هدية الى ذكرى 25 يناير ,,!
يا مصر قومى وهللى .. فكى الحروف وأتكلمى .. النهاردة ..ميت شهيد بيزوقوكى.. ميت شهيد بيلبسوكى ..و ميت شهيد بيكلموكى .. مليون ولد من ولادك بيلضموا سبحة أيدين حوالين كل الميدان .. بيفكرونى بثوار زمان .. يا مصر قومى أتزلزلى .. يا مصر يالله أتزمزمى وأسمعى صوت الآدان .. الوحى جاى .. بيزفلك مليون خبر لآبنك همام .. يومها شوفت ف الميدان دارت معركة .. بين الشباب والتركمان .. كل ده وفيه فرح و فيه عروسة .. بيزوقوها ويشوروها لعريس جدع .. ماسك ف ايده حزمة أمل .. و منتظر هنا ف نفس المكان .. يا مصر قومى م السكات .. فيه شباب دايرين يغنو غنوة ألحرية ..يا مصر قومى وشوفى الجنينة طرحه فرح .. و الورد شابك فى الميدان .. العبير ريحتة فايحة من زمان .. المسك عنبر والورود زهر الريحان.. والفل بيلضموه عقد لولى للقمر علشان يبان ..مهما أحكى الحكاوى عن يناير والميدان ,, الحكاوى مش حا تخلص ولا الكلام .. يا مصر قومى أستقبلى بشرة حياة لكل البشر .. فيه مولود جديد بيتولد هنا .. دعوة فرح من جوة قلبى اللى أنشرح .. لما شفت ولادك بتسطر تاريخ .. هى دى ثورتة .. دعوة حرة راح صاداها لكل البشر .. اتعلموا أزاى شبابك مد ايده بالسلام ..
الاشتراك في:
تعليقات الرسالة (Atom)
ليست هناك تعليقات:
إرسال تعليق