حسن عمران يكتب زمن زمان ولى
زمن زمان ولى
بس اللى فاتها قليل
ما الشابة متصيغة
بجوز من الخلاخيل
ترن الخطوة منها
بتفوق المساطيل
شافوا يوم ضحكتها
الكل ف هواها قتيل
السن أبيض لولى
والورد ع الخد يميل
و لو يسمعوا صوتها
يغنولها بالمواويل
الناس تقول ياصبح
و عشاقها نهارهم
ليل
لما التاريخ انكتب
و كان له ف يوم
صوره
منديل بأوية اتربط
و حز .. عاالقورة
يا بياعين الهوا
يا بياعين الشوق
دى مصر من اصلها
دنيا معمورة
معروفة من وقتها
قصتها مسطورة
فوق جدار الغرام
ف قلوبنا محفورة
مفضحوين بهواها
و هى مستورة
محروسة كان اسمها
من يومها وبهية
و هى من وقتها
شابه.. معجبانية
دايرين يخطبوا ودها
و ودها .. ليه
فاكرين رحمها ان قطع
ومالها.... ذرية
حطوا المهور ..
ماس على دهب
و قلوب محنية
ياخطابين الود ..
دا ودها .. ليه
حكم ليا القدر
حبها ليا
عاشق ومغرم انا
والعشق ملاغية
حا فضل أغنيها
موال ملاغية
مهما االف كلام
موالى بقى هي
ومهما يقول الناس
العقل منى ذهب
ومجنون ... يا بهية
سطر مودة يا زمن
دا عشقى انا هيه
لو كانت تنفع عروسة
لا اتجوزتها هيه
عجبى .....
-----------
معلم فحمه ,,؟؟!!
ليست هناك تعليقات:
إرسال تعليق