معلم فحمه يكتب رساله من جندى مصرى على الحدود

 

معلم فحمه يكتب رساله من جندى مصرى على الحدود

زعلانه ليه يا اللى شيلتى همومى ،، الدنيا ما تستهلش دمعه واحده من عيونك ,, حزنانه ليه و الحياة كلها شجن وانتى قلبك آيه شجونه ,, حب ولا طلش مش مهم ,, بكره ييجى غيره تمتعيه بنور عيونك ,, بس لازم تتعلمى ان اللى حبك هو بس يقدر يصونك ,, واوعى تنسى حكايتى والكلام ,, والسنين اللى كانت فرح وبرده كان فيها حزن صامت ف العيون من غير كلام ,, اوعى تنسى كلمة حلوه قلتهالك ,, ولا همسه كانت ما بينا قصة غرام ,, اوعى تنسى بدلتى الميرى وانا مسافر والسلام ,, الرسالة كتبتهالك قبل ما يفجروا اللغم ,, قبل ما تعمى عنية ,, والايدين ما تعرفش تمسك القلم علشان تكتبلك غزل زى زمان ,, وقبل ما الجسد يبقى اشلاء ,, يلملموه زمايلى من كل حته شوية ,, وحياتى عندك ما تزعلى امى و أمسحى دموعها بأيدك ,, وخلى بالك م العيال ,,؟؟
التوقيع / جندى مصرى على الحدود ومدى ضهره للوطن , مستنى ضربه م اليهود الضربة جت م الوطن ,,!!
معلم فحمه ,,؟؟!!