يا مصرى..بقلم معلم فحمه
يا مصرى..بقلم معلم فحمه
يا مصرى
اوعى تقول انا .. باحلم
وبلدنا عايزة عريس
قصدك تقول كوابيس
و قاضى مع قضبان
كل دى هلاويس
قصة تشوفها
من جملة القصاقيص
يلعب بها الشيطان
و تبقى م التلبيس
تحكى غرام الجدع
و تعيش عالمدى و تقيس
حب الواد للبنية
و لا حب
إيزيس اوزوريس ,,؟؟
بتقول يامصرى سجين
لا .. دا السجين هيه
عصفور يغنى ف قفص
و يحب الملاغية
مهما يعيش محبوس
يهرب لحرية
يدوق الشهد من فمها
لا زاد و لا مية
تروى أسير
حبها .. من الحنفية
و هى .. طول عمرها
من وضعها
مطمعه الحرامية ,,؟؟
الشبة فى حسنها
هى الجمال هيه
مرسومة متزوقة
بإيدبن الفواعلية
مكتوب كتاب جمالها
بمجاديف المراكبية
عيونها ..خضره خضار
الغيط رويه مية
و الصدر برج حمام
و هز الحمام .. غيه
عاشقة ومتعشقة ..
عليها القصد والنية
وهى اللى كان اسمها
بين الممالك .. بهية ,,؟؟
الشاب سجين..
حبها و دا ذنب الجدع
من كتر غرام حبها
م الحب قلبه انخلع
وكل بناتنا الصبايا
عالشط تملا الزلع
وتغنى ..يا شمسنا
يا موريانا البدع
يا خطاطين الرمل
يا ضاربين الودع
حلو .. أسر الشب
م الحب .. قلبه
ولع ,,
ما هى من حسنها
مجننه الجدع
عاشق جمال شمسها
الوعد والمكتوب
ياما داب فى حبها
قلوب وراها قلوب ,,؟؟
و تطلع قصص
بتقول اسم الجدع
ياسين ,,
و حكاوى بتقول
شرقاوى من بهتيم
و ناس بتقول صعيدى
و أمه من شلاتين
و ابوه .. سويسى
و جده من عابدين
و الكل نسيوا اسمها
و هى تبقى مين
هى اللى سارقة
القلوب
طول عمرها هى
وكل كلامى اللى
انكتب
عليها القصد والنية ,,؟؟
-----------
معلم فحمه ,,؟؟!!
ليست هناك تعليقات:
إرسال تعليق