حوار مع ضميرى
ليه ياترى نومك تقيل وسايق فى الدلال
كفاية نوم فى العسل أصحى بقى ياضمير
طيب رد على وقولى ياترى نايم بمزاجك
ولا دى أوامر عليا .. ولا واخد حقنة تخدير
أنا مش خايف من طول نومك مهما طال
ولا خايف ابدا على حالنا ولا حال العيال
أنا كل خوفى بجد .. تكون صبحت قتيل
أسمع ياضمير .. عندى لك عرض خطير
تيجي نعمل مبادلة .. وتقوم من ع السرير
وينام الظلم أولى .. دى نار الظلم قاتلة
قلت ايه ياضمير .. مش كفاية بقى تشخير
أصحى أعمل معروف .. وطوف وشوف
الظلم على المكشوف .. دا غير التذوير
كفاية نوم فى العسل أصحى بقى ياضمير
بقلم / محمد عبد الجواد
الأربعاء 29 / 12 / 2010
ليست هناك تعليقات:
إرسال تعليق