تم التعتيم بالكامل
علي الحادث رغم بشاعته
ولأن الموقف محرج
أم جاب العيب من ساعته
وإنها دايما بتأخر
وساعات ايام بتقدم
وداها لشيخ تتبخر
ام قاله بلاش تتكلم
عن اي معاد قدامها
وخصوصا لو و ياكي
الساعة دي قلبها مال
شغال لكن بيهواكي
من يوم م المعصم شال
أُستيكها وكان بهزار
في دراعك لمسه في ثانيه
عقرب والتاني إنهار
من يومها وكل ماتسمع عن أنه اليوم هقبالك
قلبها بيدق بسرعه
وتقدم و يروح قبلك
وعلشان بقي زي الساعه
فـ بروح قبلها بيجي ساعه
والساعة مقدمه ساعه
ف بيبقي هناك من بدري
لو صيف م الشمس بسيح
في الشتا م البرد بيجري
وعلشان تقويمنا ميلادي
راح بدري يومين ويزيد
وده شئ اصلا مش عادي
مع أنه واخد تأكيد
الساعه في أيده بتنهج
عقرب ورا عقرب بيجري
قالوا من شوقها تشوفك
قلبت تقويمها لهجري
ليست هناك تعليقات:
إرسال تعليق