أنا أخدت منوم و مانمتش
وصاحينى و نايم ماعرفتش
أنا ماشى في شارع أحلامى
وبكلم روحي مابتردش
الساعة اللى فى إيدي شايلها
مش عارف مين اللى شاغلها
لها عقرب باصص على الماضى
بـ يلوم الدنيا و شدتها
كان لازم أهدي وأتعود
أفضل على ضهر الصبر كتوم
بالشكوه الجرح بيتجدد
ويزيد الحزن بتَرّ و هموم
شلوت أحلام حدفك بره
على وشك واقع و مقرفص
متعلق على ضهر مجرة
عمال بتعافر و تفلفص
خايف تتزحلق للداخل
و الفرصه لا يمكن تتكرر
النوم لو جالك بالساهل
إستسلم من غير ما تفكر
ليست هناك تعليقات:
إرسال تعليق