أنا فاصل جدا و مسقط أنا شيلت الفيشه
وبقيت لا بنظر ولا اخطط مع أم دي عيشه
و سايبها تلبخ و تبوخ راح يحصل ايه
وكفايا عليا أن أنا طاير فشر الريشه
ما انا ياما أنيت اللي ماحدش فكر يئنيه
وفضلت أطور و أعدل و أجدد فيه
والناتج كان حاجه عظيمة بس الإفيه
اتغير فعلا وتحسن و فضلت أنا طيشه
أنا فاصل لكن هيـطول و هياخد راحه
وبفكر ارجع م الاول ماهو أنا بصراحه
مش راضي بتاتا عن اني اتعب للغير
والغير للخير حبسوه عني وبكل بجاحه
ملعون الظرف اللي بيجبر صاحبه يطاطي
و يخلي السيد لو مره يلاطف واطي
ويقدم اعذاره في لسته علشان يعفيه
وگانه نقاش جزار خبره و حد نباتي
انا فاصل بين حاجتين للاتنين بينهم عركه
علي حاجه أساسا كانوا فيها أصحاب شركة
و إختلوا في مين منهم ريس و أمنهم مين
قاموا الملاعين فتحوا قلوبهم قلبت بركه
ليست هناك تعليقات:
إرسال تعليق