عادل عوف......حساباتك شئ
حساباتك شئ
والواقع غير اللي في بالك
فـ إن شوفت الناس حلوه تجنن
مستسلم ليها و متطمن
صدقني دا شئ نابع منك
من طيبه قلبك و جماالك
القلب إن كان أبيض صاحبه
هتحس بـ حسنه وترتاح له
وتشوف فى حاجات ماتصدقهاش
عن حجم الرضى فيه و مساحته
فـ القلب إن كان عطفه فى حاره
مظلم وكئيب
أو أوضة لـ سطح فى باط منور
مليان كراكيب
مع أول أزمة يزوغ منك
و يخٍيب إحساسك فيه و ظنك
يستكتر يسأل يوم عنك
وكـ أنه غريب
فى قلب ملان وماهوش فاضى
مشغول بالغير
مع إنه تملي هنا قصادي ولكنه ضرير
مسحور ومسلم للساحر
لاهو عارف يبعد ولا قادر
و الحب مايعرفش خواطر
ولا له تبرير
و قلوب عمرانه بتتقضى
من دمع عينيها بـ تتوضى
بتعيش على نظرة ولمسة إيد
فى بوارج أحلام من فضة
#عادل_عوف
ليست هناك تعليقات:
إرسال تعليق