حيران لوحدى
قصتى حكاية ودموعى رحاية بين جفون السنين
غابت الضحكاية وعاندت معايا من دون الملايين
شوية تصفالى وكتير ما تحلالى وشوية بين وبين
زمانى ما يبالى .. ومصِيرى مكتوب على الجبين
واللى بينكتب على الجبين .. لازم تشوفه العين
سئلتك يامصيرى .. أجبنى بالله عليك أين اليقي
كان لى نجم مرافقنى .. فى ليلى يرعى خطوتى
أسهر الليل أناجيه … ويشاركنى فرحى وكلمتى
يلاغينى ونلاغيه .. للفجر يسهر يستنى نظرتى
والليلة دى غاب النجم عنى وأنا فى عز نشوتى
حسيت فى البعد عنه الجرح جمرة فى مهجتى
دبلت وردتى وجرحنى الشوق وغابت بسمتى
سهرت وحدى كئيب مهموم مع أحلامى الغريقة
وبقول ياترى ايه اللى جرى .. للعصافير الطليقة
وتاخدنى ظنونى وتجبنى .. بين الشكوك والحقيقة
فين راحت بسمتك .. وأمبارح كنتى قطة رقيقة
مين غِيرك ياقمر .. يسهر معايا بمشاعر جريئة
مين هتسمع قصتى .. وتسمعنى ضحكتها البريئة
مبدع
ليست هناك تعليقات:
إرسال تعليق