عجبى...بقلم معلم فحمه (متجدد)
ف يوم نايم بحلم جانى المسيح ف المنام ,, قالى قوم يا مصرى اتعلم العوم قبل الطوفان ,, سألته يا سيدنا فين حضرة النبى ,, قال النبى زعلان ,, من كتر شر البدع والضلال الوان ,, مصر حفظها المولى ادخلوها بسلام ,, كل يوم ييجى خاين,, تقوله نبنى يقولك يا سلام ,, نازلين بالدولار فيكى نهدم ,, والشعب فى بحر البلد غرقان ,, عجبى
معلم فحمه ,,؟؟!!
يا ليت الرحيل يعلم ,, كم ترك فينا السهد والحرمان ,, ودموع تسيل على وجنتى بعد الكرى ,, تقول للهم لا ترحلا ,, فا انا عشقت البعد والهجران ,, فكم اضنانى الهوى ما بين الفكر والنسيان ,, اسهر فى غياب القمر ,, واقبض على الجمر بيدى ما بين نار الغربه والاحلام ,, وابحر مع الايام ,, واعود اتقوقع فى نفسى ,, واعيد من تانى ذكريات السهد والحرمان ,, عجبى
معلم فحمه ,,؟؟!!
يا اللى أبتليت بالهوى القلب مين ساكنه / العنب طاب ع السجر ونادى يا مين ياكله / يا اللى أنت حبيت الحلال رب العباد حلل لنا أكله / عنب البنات أستوى وبينده يا مين ياكله / افرد ف شالك وأأطف من ع السجر أصله / قبل ما يصيبه العطب وييجى الوبا ياكله …….. عجبى
معلم فحمه ,
الفرسان مثل العود من ورده ارتوى , والانذال لاتسقي ولاينسقا بها , وصاين العرض بالأصل هوى , وكاشف العورة فى الارض انزوى , فا إذا اتاك الندل يبرر افعالة , اغلق بابك ولا تتكلما ....عجبى
اليهود لا تفعل هذا ,, طيب وانت سهران ف الخدمة وصليت الفجر وعايز تنام اييه ذنبك يا مصرى ,, ولادك فى ثانية يصبحوا ايتام ,, لا يوجد فى الموضوع اسلام ,
معلم فحمه ,,؟؟!!
الام مدرسة ان اعددتها اعددت شعب طيب الاعراق ,,
ضمينى يا حورية القصر ..ضمينى الى صدرك .. اتركي يداك تعانقني .. تلتف حول زندى تتشابك .. و تضمني بقوة .. لملمي بقايا شوقى .. ضمدي جراح روحى .. لامسينى وأتركى حنانك ينكوى بمشاعرى .. أبتسمى لآرى ضحكات وجهك الشفاف .. أسكرينى بعطرك الفواح .. لآلقى بسلاحي في وجه ظلام انتظاري.. وأعلن استسلامى .. يا أميرة قصرى .. أنا فى أنتظارك مع كل صرخة طفل ترن فى أرجاء المكان .. تعلن بشارة فرح .. أنا فى أنتظارك مع كل نحل يطن يصنع ترياق الزمان .. مع كل بلبل يغرد فى ارجاء المكان .. ضمينى الى صدرك .. و ترفقى على قلبى الرقراق يا أميرة المكان .. عجبى
معلم فحمه ,,؟؟!!
دورت يوم على سواقى بتطلع م الأبار ميه / أروى بيها العطش وأغسل هموم فيا / أستنيت كتير ع النيل ييجى لقيته عاتب عليا / قالى أزاى تسيبوا البقر ينطحوا فيا / فاكرين أنهم بشر وبيلوثوا فيا / حاكمكم حكومة بتحلب فيها حرامية / بأمر رب البشر لو ما تعتنوش بيا / لآفيض لآخر مدى وأغرق اللى حواليا / وأخلى بلادكم جزر ومراكب.. / دى مصر جنه وهبها المولى ليكم وليا / عجبى ....
تحياتى
معلم فحمه ,,؟؟!!
مين اللى سرق حلمك مننا يا جدع وانت فى التحرير ,, رافع العلم وبعلو الصوت تنادى ,, من حبى ليها بغير ,, وتجرى ف الاتحادية وماسبيرو ,, وف كل حتة تنادى بحبك يا بلادى ولا همك ,, ولا دارى انك هاتموت بهمك ,, طارت رصاصة طايشة ف قلبك ,, وانت لسه صغير ,, م الشرطة ولا الجيش ولا من مجهول ,, سرقت حلمك ,, ونطق وهو مرمى على صدرى والدم منه نازل مشاوير ,, مشاوير كان نفسه يمشيها ف ارضها بعد التحرير ,, بحبها من قلبى ولسه عليها بغيير ,, عجبى
معلم فحمه ,,؟؟!!
اجيب كفتة ,,؟؟؟
ياللى انتى سايقه ف الدلال ... ورمانى بختى ف دنيتك .. عماله تبئللى زى الجمال .. و آلبالى آل ف سحنتك .. ازاى تسوقى عليا الدلال .. وانا اصلى دايب ف محبتك .. و آل تئولى هات للعيال .. صابون غسيل وجبنة وشاى .. وهى عارفه ,, ان ابشكك م البقال .. ارحمينى بئىه من دنيتك .. ادعى عليك بأيه يا خال .. الله يخرب شبكتك ... عجبى
معلم فحمه ,,؟؟!!
حبيت من سمار الهوى واحدة خمرية / شرطه عنيها دباحة وتعشق الملاغية / عشقت فيها العيون وعشق العيون غية / ف يوم باعتنى وراحت لمالكها / رحت اشتكى غدرها للى مالكها / قال القلب حسب الهوى بيروح لمالكها / رحت لطبيب الغرام أشكيله من وجع الهوى فيا / قلتله يا طبيب الغرام أنا اللى م المجاريح فاضل / قالى كل الجروح بتطيب إلا جرح الهوى ما لوش م الدوا فاضل ....عجبى
معلم فحمه ,,؟؟!!
.خربتى يا سياسه بعد ما الغشم فيكى كالو / الكل عامل فاهم ويحلف الوحى ف المنام جالو / قالوه / الواد بتاع الطماطم بصاص والعمده بقى خالو / لو كانت السياسه قفص كان الكل وطى وشاله ....عجبى
معلم فحمه ,,؟؟!!
مين ميزك يا طير عننا .. وأحنا كلنا واحد .. أنت ليك جناحين .. وبتطير فى السما .. وأحنا كلنا بنعبد ربك الواحد .. فلا تغرك جناحاتك مهما عليت .. بكره يوم تقع .. وتعود تسجد لربك الواحد .. عجبى
معلم فحمه ,,؟؟!!
فى حصة الرسم ,, عندى طفلة ف الصف موهوبة ,, طلبت منها يوم تطلع ترسم لنا صورة ,, رسمت زعيم االامة بالغايب على السبورة ,, ولما سألتها ليه ده بالذات ترسميه من غير ما تشوفي الصورة ,, ردت عليا بتغريده ,, صورتة طول عمرها فى القلب محفورة ,, عجبى
معلم فحمه ,,؟؟!!
الصورة دى ف بلدنا كتير ,, من أيام حكم السلطنه ولبس الطراطير ,, الضحكة راحت يا مصر ودى صورتك ,, مهما تدارى الهم طالل ف ربوعك ,, وانا مش بأيدى رجوعك ,, اعزرينى يا مصر ,, لو كان في ايدى منديل لمسحت بيه أنا دموعك ,, عجبى
معلم فحمه ,,؟؟!!
قليل الاصل لو عاب فيك .. ردى بأختصار سيبه .. وقبل ما يبيع ودادك .. اسبئة و بيعه .. و لو طال لسانه عليك .. بالسكات عيبه .. و لو حب يرد اعتباره.. أقفل الباب على ايده .. خليه يموت م الغيظ و يطق .. و تنكسر عزيمتة من صبرك عليه بالحق .. و لو حاول يقرب منك .. ابعد عنه علشان يروح و يطق ... عجبى
معلم فحمه ,,؟؟!!
حرام الرصاص يحصد ورودنا ,, حرام القنابل تقتل جنودنا ,, حرام اللى بيحصل جوه ف بلدنا ,, يمكن نكون مخطئين ,, و عقاب جماعى بيخلص ذنوبنا ,, ما اظنش ,,
الحكاية فيها مليون حكاية ,, القصد ازاى تخرب بلدنا ,, وازاى تقتل ولادنا ,, كلها تفانين ,, وصك صنعوا ولاد الابالسة الشياطين ,,
اوعوا تفتكروا دموعنا ع الخدود حا تسيل ,, ولا جراحنا مهما نزفت ,, حا تخلينا نلين ,, غلطانين احنا نيل يموت ف الجريان ,,
ومع كل ده فيه رسالة من اهل مصر ,, مكتوبه كلمتين ,, احنا صامدين مهما ننجرح ,, عجبى
معلم فحمه ,,؟؟!!
اسمر كحيل العين .. قلبى مشيله و مال .. كتبتله سطرين وحته من موال .. بعتهم سهام للعين .. تاهو منى يا خال .. يا ابو العيون دبلى تحب الملاغية .. انا ف هواك انجلى .. ما العشق دا غية .. مهما بحورك غرق .. اركب معدية .. دا العشق , قلبى بيه ابتلا .. ويحب الملاغية .. يا اللى ابتليت بالهوى .. وغرقت ف بحورة .. لا يهمك لوم العزول ولا اييه اللى بيئوله .. دا القلب لو عشق , اياك ف يوم تلومه .. يا من علمتنى البكى .. ما عليك لومه .. مهما تخبى دموعك خوف من اللومه .. خدها منى نصيحة در مكنونه .. يموت العاشق المحروم .. والدمع ف عيونه … عجبى
معلم فحمه ,,؟؟!!
همسات ليلية ,, انا والنجوم وهواك ,
لكى وحدك يا سيدة القصر ,, يا ليت الرحيل يعلم ,, كم ترك فينا السهد والحرمان ,, ودموع تسيل على وجنتى بعد الكرى ,, تقول للهم لا ترحلا ,, فا انا عاشق ,, عشقت البعد والهجران ,, فكم اضنانى الهوى ما بين الفكر والنسيان ,, اسهر فى غياب القمر ,, واقبض على الجمر بيدى ما بين نار الغربه والاحلام ,, واعود بعد غيبوبة الفراق ,, ابحر مع الايام ,, فضمينى الى صدرك ,, ولفى يديكى حول عنقى ,, واعلمى ان العشق دا حكاية من حكايات الغرام ,, عجبى
معلم فحمه ,,؟؟!!
علمنى كيف الرجوع اليك ,, وكيف الابحار بين مقلتيىك ,, علمنى كيف الرجوع لذاتى ,, وانت تعلمى ان قلبك هو بوصلتى واتجاهاتى ,, مهما اشرق أو اغرب فا انت مرسى حياتى ,, علمنى كيف اغوص في اعماقك ,, علمنى كيف النجاة من امواجك ,, اشعلى مناراتك لارشادى ,, حيث العودة الى أعماق ذاتك ,, فا انا لا اراكى نون واحدة ,, و لكنى أرا فيكى كل النون يا حياتى ,, عجبى
معلم فحمه ,,؟؟!!
عجبى عليك يا بدر لما للغرام تهوى .. كل النجوم ف السما تسهر معاك تهوى .. قالو أهل الغرام أشتكوا من قلوب بيك تهوى .. صوت البلابل ع السجر و للقمر تهوى .. حتى أنا سالت قلبى يوم لمين يروح يهوى .. قال لى اللى سرق روحى هو اللى ليه يهوى ... عجبى
معلم فحمه ,,؟؟!!
من كتر قلة ضميرنا بقينا بناكل بعض .. وبيزيد البعد ما بينا وبننسى نود ف بعض .. وعلى ألهايفة نتعارك و يضرب ما بينا البعض .. نازلين بنى فى وهم أزاى نخاصم بعض .. و ننشىء حواجز خيال مالهاش أساس م البعض .. دايرين نفتح بيبانا ونمسك تلابيب بعض .. و سكن الشر ف قلوب ناس مننا وم البعض.. حتى الفراق اللى بينا ما لهوش أساس م البعض .. المسلم دا نور يا أخونا والمسيحى أساس البعض . كتر الخصام ما بنا وكأننا ما عشناش مع بعض .. طول عمرك يا مصر وحده والكل كل ف بعض .. عجبى
اضحكى يهمك اييه مننا ,, ضاربه الدنيا صرمه ,, معاكى شمسية والبط بيحبك ,, واحنا عايشين في الدنيا ننضرب بالصرمه ,, الصرمة فى عرفنا فقر معشش فى بدنا ,, والبط لو شافنا بيجرى بعيد عنا يخاف لا ناكله ,, حاولنا نكون ملايكة ,, لكن العيال عندنا ,, بتشم كله وبتشتم اهلها ,, ورافعين شعار بيقول ,, عيش حرية عدالة اجتماعية ,, عجبى
معلم فحمه ,,؟؟!!
ليست هناك تعليقات:
إرسال تعليق