ملوش حدود همس قلب الشاعر/فتحى عيسى
ملوش حدود همس قلب الشاعر/فتحى عيسى
ملوش حدود حبك ياغالى ملوش حدود
شق السحاب رسم الوجود من غيرعزول من غير حسود
مهما هقول مش ها اوصفه أو حتى هقدر انصفه
علمنى بكره استناه وبعد بكره اعيش وياه وامبارح ليه مبكيش عليه
والحب ايه بستان ورود
حبوه الناس زى ما حبيته
وصفوه الناس بالحب رقيته
من عينهم قلبى دق ابواب الخوف والحيره على الاحباب
ردوا الأحباب للقلب صفاه
زرعوا اللبلاب اشواق وعهود
لو النجوم تشعر بحال العاشقين
لو القمر يوصف ليالى السهرانين
كتب الليالى كلها اشعار
من حلاوته الشوق يحتار
ويفيض عبيره فوق جبين الهوا
انهار
ويهيم حنان
ويعيش امان
اجمل وعود
ملوش حدود حبك
ياغالى ملوش حدود
شق السحاب رسم
الوجود من غير عزول
من غير حسود
فتحى عيسى
ليست هناك تعليقات:
إرسال تعليق