Source: خلاص كبرت ومش عايزة اسمع حواديت زمان – منتديات غزل قلوب مصرية
بسم الله الرحمن الرحيم
داخــــلة انــــــــــــــام
زي كل الأيام
راحــــت
ماما قالتلى تعالى احكيلك حكايه
فاكرانى لسه صغيره
هجري زى زمان
وافرح .. عشان هسمع حدوته قصيره
يمكن انام .. ؟؟
واحلم احلام ..؟؟
وأعيش على حواديت زمان
سيندريلا .. وست الحسن .. وعلي بابا
مـــــــــامــــــــا
مش عارفه انى خلاص
خلاص كبرت .. والدنيا علمتني
حواديت اكبر مني
اكبر من سني
وكبرت قبل الاوان
واتعلمت ازاي اتكلم .. اكتب
وارسم حواديت عالجدران
حواديت الحاضر .. اللى هتبقى تاريخ
تبقى ماضي وذكريات
تبقى عار علينا .. على مر الزمان
حروب بارده
اشلاء شارده
دماء جاريه
مملكة احزان
وعروبه عاريه
كــــــــــــل دا
وماما لسا عايزة تحكيلي حكايه
هتحكيلي ايه يا ماما ..؟؟
مالدنيا بقيت غابه
وعرفت اللى فيها خلاص
لا صداقه .. ولا اخوه .. ولا اخلاص
لسا هتقولى يا ماما ؟؟
عايزة تكملي الكلام ..؟؟
وتعيشينى اوهام..؟؟
ما قولتلك .. عرفت اللى فيها
خلاص يا ماما .. سيبني انام
مش عايزة حكايه من بتوع زمان
ليست هناك تعليقات:
إرسال تعليق