أنتباه
لما قابيل قتل هابيل ….. بكى وواراه
وفات ليل ووراه ليل … وليالى وراه
ونزل بالنور الأمين جبريل .. وعم الكون ضياه
كتاب كريم نزل تنزيل .. وع المصطفى قراه
موسى نبى وعيسى نبى … ومحمد أخاه
وعلى كل نبى نصلى عليه .. ونوحد الله
يلا أنتباه … يلا أنتباه
أنت يا أخويا .. أنت ياعمى .. أنت يا أختاه
أسمع منى كلام من فنى ..وأفهم معناه
مصر دى أمنا .. حضنها بيضمنا .. ونيلها هو الحياه
من ترابها جلدنا .. أنت وأنا.. والدين لله
طلعنا من صغرنا .. أتعلمنا من جدنا .. العدل والمساواه
والخير عندنا .. مسلم أو مسيحى .. جوايا وجواه
يلا أنتباه … يلاأنتباه
جارى المسيحى .. يسمعنى بتألم .. يقول آه
فى همنا يواسينا .. وفى فرحنا .. نسمع غناه
ومصر حصننا .. نزل عليها آية .. ربنا فى علاه
مصر أمننا .. مصر الأمان .. مقبرة الغزاه
وعدونا عدوكم .. بينا سهران .. ينشد مناه
هيا يا شباب .. أصحوا أفيقوا ..يلا أنتباه
يلا أنتباه .. يلا أنتباه
أنت يا مسلم … الله أكبر
أخى المسيحى … الله محبة
أيدى فى أيدك .. نبنى طوبة
لمجد بكره .. أبنى وأبنك ……. يكمل بناه
أيدى فى أيدك .. نطفى شرارة
نقتل ففتنة .. ف شارع ف حارة
ونعمر ونزرع ……..فى كل أتجاه
نعمر مصانع .. نزرع صحراء ..ونحصد رخاء
ونعلى البناية ..وتغنى معايا
عدونا غدار … واللى فات ننساه
ياجورج .. يامحمود .. يامحمد .. يايوحنا
هات الناى ويا العود .. نلحن مستقبل ولادنا
يكبر أبنك يغنى …… وأبنى معاه
يلا غنى يا عندليب
عاش الهلال مع الصليب
وعدونا شمسه تغيب
وشعبنا جرحه يطيب ..ويدوم غناه
يلا أنتباه .. يلا أنتباه
ليست هناك تعليقات:
إرسال تعليق