دنيا فانيه بقلم اجمل قلب نور الهدايه
دنيا فانيه بقلم اجمل قلب نور الهدايه
يا دنيا يا أم العجب
ولا عمر فهمك حد
زي ما فيكي الدفا
فيكي كمان البرد
وجعنا فيكي المرار
ودوبنا في طعم الشهد
يادنيا يا متلونه
كل لحظه بلون
وخدانا معاكي في رحله
تلفي بينا الكون
لاعرفنا إمتي إبتدينا
ولا فين النهايه تكون
نداهه في شط بعيد
سامعينها ومخفيه
جنيه وسط الضباب
وعايمه في الميه
تغازلك..
تسلملها
شبكك مع قلوعك
بلطيه مع صياد...
فاكر إنها ,,,,
طوعك
تشاورلك من بعيييييد
تجري تقابلها
تلقاها فاتحه دراعتها
وانوارها مضويه
ترمي في حضنها نفسك
تدوب فيها وجع يأسك
تطير وتسابق الاحلام
تلاقيها كلها اوهام
وانت غرقت في الميه
ماهي اصلها فانيه
اسرارها ساكنه جواها
وياما مخبيه
تحزن
...تكشرلها
وتبيعها في ثانيه
تلاقيها تجري وراك
بضحكه ورا التانيه
تناديك تقولك تعالى
ما هى دي الدنيا
همسات قلم نور الهدايه
ليست هناك تعليقات:
إرسال تعليق