مذكرات عسكرى أمن مركزى ,,بقلم معلم فحمه

 

مذكرات عسكرى أمن مركزى ,,!!


بعتونا بكام واحنا اللى طول عمرنا شارينكم ,,
بعتونا بكام واحنا اللى بنضحى ونموت عشانكم ,,
بعتونا بكام واحنا اللى طول عمرنا شايفنكم ,,
تنهبوا ف البلد و وتبعوها واحنا بس نخاف عليها ,,
وتنصبوا وتتنصبوا وكل مصيبة تعملوها تلاقونا فيها ,,
كنتوا فين لما اللغم فرتك دراعى ,,
كنتوا فين لما الرصاصة خدت عنيا ,,
كنتوا فين لما اترميت جنب الرصيف ,,
مضروب بحجر ومفيش حد سأل عليا ,,
كنتوا فين لما امى م البكا فقدت نظرها ,,
كنتوا فين لما مات حسين ونسينا القضية ,,
كنتوا فين والعار موصوم على الجدران ,,
ف التحرير وف سينا و الاتحادية ,,
كنتوا فين ويناير كتب تاريخ العزة ,,
كنتوا فين وانا واحد م الفقرا المعدمين ,,
جبتونى وعلمتونى اشيل بندقية ,,
كنتوا فين لما قولتولى العدو واقف ف التحرير ,,
وانا اللى فاكرة ف سينا ع الحدود ,,
اصل طول عمر الشيخ يقولنا العدو م اليهود ,,
كنتوا فين لما امرتونى , اضرب ف اخويا ,,
واوعى الرصاصة تطيش , ولم الفارغ يا متجيش ,,
كنتوا فين لما وقفنا تلاتين سنه ف طابور العيش ,,
والنهاية جايبين قاضى م الوكالة يطلع القاتل براءة ,,
طب ليه ما ختوش شهاتى م البداية ,,
ما انا الشاهد الحقيقى ف الحكاية ,,
انا العسكرى اللى استلم الاوامر ,,
انا اللى رفعت البندقية وطلقت الرصاصة ,,
ف صدر الجدع يا حرقة قلب امه عليه ,,
وانا برده اللى بكيت عليه ,,؟؟
ربنا يصبر كل ام سقط لها شهيد فى الميدان او فى اى مكان ,, م الوطن ,
تحياتى

معلم فحمه ,,؟؟!!