لسه فاضل كلمه بقلم اجمل قلب نور الهدايه
لسه فاضل كلمه بينا ماقولنهاش
كلمه بترفرف مابينا
من بعيييييييد،،،،،
مالمسنهاش
فيها حته منك إنت
أبقى باكدب ،،،
لو قلت قلبي
ماحسهاش
وحته تانيه تايهه مني
فيها عطري وفيها لوني
ونظره حانيه من عيوني
طول زماني ماعشتهاش
يمكن تكون مرت علينا
ألف مرة
ولسه برضه
ماقولنهاش
يمكن عشان من صفاها
شوفناها بروحنا
وبعينينا ماشوفنهاش
ولا نكون من خوفنا منها
هربنا ليها
مابعدناهاش
كنت في عينك باشوفها
وانت مش عايز تقولها ،،،،
بتداريها،،،
حتي منك
ورغم حرصك،،،،،
ما منعتهاش
،كانت من جوايا
تهرب
عايزه تدفى في قلبك
حبستها
وماسيبتهاش
في كل مره كنت اشوفك
كان بيتجدد ميلادها
بكل شوق الدنيا
جوانا بتكبر
مهما بعدنا مافارقنهاش
زي ما نكون اتفقنا
انها تفضل مابينا
سر عايش جوه روحنا
ومهما طال العمر بينا
ننكر وجودها
ومانحكيهاش
همسات قلم نور الهدايه
ليست هناك تعليقات:
إرسال تعليق