مرايتى بقلم اجمل قلب نور الهدايه
يامرايتي
شايفه في عينيا ايه
واضحالك ملامحي ؟
انا مش شايفاها ليه
حاساني واحده تانيه
غريبه
شيفاني دمعه حايره
فكره في العقل تايهه
وملامح كتيره
الوانها ملخبطه
ما اعرفش هي ذكرى
ولا امل في بكره
دمعه ع اللي فات
ولا زفرة آهات
ياريت كان ليكي صوت
و جواكي قدرت افوت
أسمعك وتسمعيني
أجاوبك،،تسأليني
من وجعي تريحيني
احكي وتفسريلي
انا ليه مش عارفه نفسي
وليه ساكنني يأسي
فين راح الحنين للايام و السنين
ونظرة انتظار لحظات فرح جايين
ليه كل همسه حلوه اتساوت بالأنين
ألواني اتوحدت ،،بقت يادوب لونين
وبين ابيض واسود وملامح مجروحين
بكر ه بقي لون امبارح
وجي زي اللي رايح
وبينهم عقلي سارح
وجع مالي الجوارح
في القلب وافي وطارح
جواكي نظرة عيوني
بيطلوا ويلمحوني
خايفه اقرب منهم
ل فجأه يغتالوني
ليست هناك تعليقات:
إرسال تعليق